كيف صرت احسن نسخه من نفسي؟💝⏳

This is the right place to glow up, grow, and become that girl you’ve always dreamed of 

✨

تبون اقولكم شي عني؟🧐

انا ما صحيت يوم من الأيام وكنت في قمة ثقتي أو سعادتي ولا كل شي كان جاهز وجميل ومرتب لي! انا تعبت وجربت وسعيت كثير عشان أحقق كل شي ابيه وادري كل بنت فينا تمر بفتره تحس فيها إنها “ضايعة” أو مو راضية عن شكلها أو طاقتها أو حتى حياتها وتحس إنها تبغى تتغير وتصير النسخة الأفضل من نفسها بس ما تعرف من وين تبدأ ، احب اقولكم اني حاسه فيكم وفاهمتكم 🤝لاني كنت وحدة من هالبنات لكن مع الوقت والتجارب عرفت ان ال “glow up” مو بس شكل جميل ولا مكياج حلو وملابس كشخه وخلاص! لا هو تغيير داخلي قبل الخارجي وحب الذات قبل كل شي ، واليوم بقولكم عن رحلتي وتجربتي الشخصيه وكيف قدرت أتغير وأحب نفسي وأوصل لافضل نسخه مني وبعطيكم نصايح من كل قلبي تساعدكم تبدأون رحلتكم انتو بعد ❤️‍🩹

اولاً بديت اهتم بنفسي من الداخل وركزت على افكاري وجبت ورقه وقلم وبديت اكتب ، كيف اتكلم عن نفسي؟ وهل فعلا احب نفسي؟ وهل فعلا انا راضيه عن نفسي؟ الجواب وقتها كان لا وبوضح لكم الأسباب.. كتبت الاشياء السلبيه اللي اشوفها فيني والأشياء الايجابيه وقررت اشتغل على السلبيات زي مثلا كنت ما اهتم باشياء بسيطه بس هي مفعولها وتأثيرها كبير زي اول ما اصحى من النوم اشرب قهوه قبل المويه تخيلو؟ او جلوسي على الجوال ساعات كثيره بدون ما أستفيد من وقتي بشي ينفعني! وكنت اسهر كثير حتى لو فيني نوم وما عندي طاقه بس كذا كنت اسهر وكنت بمجتمع سام واغلب صداقاتي ومحيطي ساميين! و و و كثير من السلبيات ، بعد ما شفت الورقه انصدمت بكمية السلبيات اللي انا عايشه فيها وصعقت وقتها كيف ومتى وليه ما انتبهت! بعدها قررت قرار جديد انا من هاللحظه لازم اتغير عشان نفسي قبل اي احد وفعلا هذا اللي صار وكان احلا قرار بحياتي وبعلمكم اللي سويته بالخطوات

الكتابه📖✍🏼

صرت اكتب كل يوم بالدفتر واقول كلمات ايجابيه لنفسي كل صباح حتى لو بالبدايه ما كنت مقتنعه تماما بس عادي مع الوقت صرت احس هالكلام يدخل قلبي ونظرتي لنفسي بدت تتغير لان الكلمات الايجابيه عكست علي وعلى ثقتي بنفسي

رتبت وقتي⏳✨

كنت اسهر واضيع وقتي بدون اي فايده واقوم من النوم متأخر وفيني خمول واكون تعباااانه طول اليوم مابي انجز اي شي ، بس بعد ما نظمت نومي ورتبت وقتي وش صار؟ صرت انام بدري واصحى بدري وانا كلي نشاط! وصرت اشوف القومه بالصباح طاقة ايجابيه وروقاااان وسعاده! قسمت وقتي للفطور بعدين القهوه وبعدها رياضه وبعدها العب مع بنتي او نطلع نتمشى او اسوي اي هوايه نحبها ونتعلم اي شي مفيد ، والنتيجه بعد فتره؟ مزاجي تغير للأفضل كليا

اهتميت بشكلي الخارجي🧖🏻‍♀️💅🏼

صرت اهتم بشكلي الخارجي في بشرتي وفي شعري وفي جسمي وفي ملابسي والخ بدون ما اضغط على نفسي ، تعلمت كيف اختار الملابس اللي تناسب شكل جسمي والألوان اللي تناسب الاندرتون حقي وصرت اسوي كل شي يعجبني انا ويعجب ذوقي وبطلت امشي وراء الترندات بمعنى جربت اكون نفسي "انا" مو نسخه من اي احد ثاني ، وفي كل مره اجرب شي جديد لو بسيط احس ثقتي تزيد بنفسي اكثر واكيد جربت كثير أشياء لين وصلت للمناسب لي

تعلمت أشياء جديده🧘🏻‍♀️🎨🎤🎉

انا من كنت صغيره احب اقرأ واحب اكتب وأحب ارقص وأحب أتعلم لغات وثقافات جديده لكن مع الأسف بعد ما تخرجت من المدرسه بطلت اسوي هواياتي وبطلت اقرأ وخلاص انشغلت بالحياة واكثر شي استمتع فيه هو القراءه ، وقررت اني ارجع اقرأ مره ثانيه لان اذا هالشي يسعدني ويطورني اكثر ليش لا؟

صرت اقرأ كتب ، اسمع بودكاستات ، اتابع ناس ايجابيه مثقفه ، رجع شغفي للرسم ورجع شغفي للرقص ولكثير اشياء كنت احب اسويها ، صرت أمارس اي شي يخليني افهم نفسي اكثر او يفتح لي أبواب جديده او بكل بساطه يسعدني ويحسسني بالحياة وبس 🦋🦋

صفيت علاقتي بنفسي وبالناس🙅🏻‍♀️👥

وقفت أرضي الناس على حساب نفسي ، وقفت أعطي فرص لناس ما تستاهل ، بعد الناس السلبيه واللي تأثيرها سلبي علي ، وصرت اقرب الناس اللي تحبني نفس ما انا بشخصيتي الحقيقه شهد ام كوكو والأهم؟ تعلمت أسامح نفسي على اخطائي وابدأ من جديد ❤️‍🩹✨

بالمختصر مالكم بالطويله ، هاذي اساسيات اذا تبين تنجحين وتوصلين لهدفك وأفضل نسخه من نفسك:

🔻لا تقارنين نفسك بأحد لان كل شخص له تجربته وتوقيته وجماله الخاص.

🔻اهتمي بصحتك واشربي موية كلي أكل نظيف وصحي ونامي كويس.

🔻لا تستهينين بالرياضه او ع الاقل المشي نص ساعه باليوم تغيّر مزاجك كثير.

🔻اهتمي ببشرتك مو لازم أغلى البراندات بس استمري حتى لو بمنتجات طبيعيه بالعكس افضل.

🔻تعلمي تحطين حدود للناس اللي يتعبونك نفسيًا ترا محد يستاهل.

🔻جربي تكتبين عن يومك وعن مشاعرك ترا والله الكتابة أقوى علاج! ودايما رددي عبارات ايجابيه مثل “أنا أستاهل” وبتبدين تصدقينها مع الوقت.

الخاتمه:

تذكري دايما انك ما تحتاجين تكونين “كاملة” عشان تبدأين وكل خطوة صغيرة تسوينها اليوم بتصير بكرا فرق كبير و"القلو أب” مو لحظة وما يجي بيوم وليله هو رحلة مليانة بحب ال ذات والتعلم والعناية بنفسك بكل تفاصيلك ، خليك دايما لطيفة مع نفسك وامشي على مهلك وصدقيني النسخة اللي تحلمين فيها من نفسك قاعدة تنتظرك بس ابدئي اليوم واتمنى من كل قلبي التوفيق للكل💖💕💕