تجربتي مع الصيام المتقطع🧘🏻‍♀️🙌🏼💕

 Let’s start with a simple change that can totally transform how you feel about food and your body! 👌

تعرفون الشعور اللي لما تحسون انكم جربتو كل شي بس ما فيه اي نتيجة؟ لا جيم نفع ولا رجيمات قاسية ولا اي دايت ولا اي شي؟ هذا وضعي قبل كم سنه لما كان وزني مو عاجبني ومو مناسب شكل جسمي كنت مو راضيه عن شكلي ودايما ابحث وادور بكل مكان عن طرق تنقص الوزن وما خليت شي بالحياة ما جربته بس ما ضبط معي اي شي! وبنفس الوقت كنت دايما اسمع واقرأ عن الصيام المتقطع بس ما قد جربته وفي يوم من الايام قلت خلاص بجرب الصيام المتقطع وكنت أقول بيني وبين نفسي يا اني اطلع منه بنتيجة يا خلاص بستسلم! وفعلا جربته وما أبالغ إذا قلت لكم إني ارتحت من أشياء كثير مو بس نزول الوزن حتى جسمي صار خفيف وبعد ما استمريت اكثر اكتشفت إن له فوايد كثيره ما كنت أدري عنها واليوم بقولكم تجربتي وما راح اشرح لكم الصيام المتقطع بطريقة معقدة بقولكم اللي سويته انا بالضبط ويمكن تجربون وتنبسطون بالنتيجه مثلي لانه ساعدني اغير علاقتي بالأكل وصرت اتحكم بجوعي بدال ما الجوع يتحكم فيني 🤝

بكل بساطه كنت اكل بوقت محدد يعني فقط ٨ ساعات باليوم وحرفيا اكل كل شي بخاطري بدون اي حرمان اكيد وباقي اليوم اصوم وفي وقت الصيام كنت اشرب مويه مرات شاي اخضر او قهوه مثلا بس بدون سكر وهذا الحلو بالموضوع

طبعا بدون مبالغة بالأكل ، مشتهيه حلا؟ عادي باكله بالوقت المفتوح ، مشتهيه اكل معين؟ باكله ما بخليه بخاطري ، المهم اني ما اكل بزياده وبإفراط ولا اكل لاني حاسه بفراغ ! وانا عن نفسي مثلاً اكل من الساعه ١ الظهر إلى ٩ بالليل وبعدها خلاص ابدأ صيام ، بس اكون صريحه معكم؟ اول يومين؟ شوي واتهاوش مع الثلاجة بس بعدين؟ تعودت وصرت مبسوطه وعجبني روتيني الجديد وعجبتني التغييرات اللي شفتها مثلا بطني بدا يصغر وجسمي صار مشدود والنوم صار أعمق والصداع خف ووجهي حتى صار فيه نور ما أدري من وين جا بس حسيت وجهي مشدود وصاير احلا والأهم من هذا كله نفسيتي تغيرت للأفضل والجميل بالموضوع إني ما حرمت نفسي أبد يعني كنت اكل اللي أحبه بس بحدود وصارت علاقتي مع الأكل أهدى وأرتب 🤍

المهم الصبر والاستمرار عشان تشوفون نتايج حلوه حاولو تشغلون نفسكم بوقت الفراغ عشان ما تفكرون بالأكل ونصيحتي لأي أحد ناوي يبدأ لا تصومون من اول مره ١٦ ساعة جربو بالتدريج لين تتعودون واشربو موية كثير ترا المويه تسد الشهية وفوايده الكثيره معروفه اصلا ، ولا تصيرون قاسيين على نفسكم لو خبصتو يوم عادي بس لا تخلون التخبيص تصير عادة واهم شي اكتبو إنجازاتكم كل أسبوع حتى لو نزلتو نص كيلو ترا هذا إنجاز ! 😻😼😼

وش فوايد الصيام المتقطع🤔⁉️

فوائد الصيام المتقطع كثيرة مره والصيام مو بس للتنحيف حتى لصحة الجسم والنفسية وبعلمكم وش فوايده✨

ينزل الوزن بطريقة ذكية:

▪️لأنك تقللين ساعات الأكل جسمك يبدأ يحرق من الدهون المخزنة مو بس من اللي تاكلينه وبدون حرمان قاسي

ينظف الجسم من السموم:

▪️وقت الصيام الجسم يدخل مود “تنظيف ذاتي" ويتخلص من السموم

يرفع التركيز والطاقة:

▪️كنت أحسب إني بتعب بس لا والله بالعكس وقت الصيام أحس مخي صافي وأركز أكثر

يحسن النوم والمزاج:

▪️نومي صار أعمق واقوم الصبح ما فيني كسل ولا خمول زي أول

يأخر علامات الشيخوخة:

▪️فيه دراسات تقول إنه يساعد في تجديد الخلايا ويقلل الالتهابات وهذا له علاقة بتأخير التجاعيد والتعب اللي يبان على الوجه وعشان كذا أقولكم بعد ما بديت بالصيام المتقطع احس وجهي صار منور ومشدود

✨

في النهاية الصيام المتقطع مو بس نظام اكل هو اسلوب حياة ساعدني اكون اقرب لنفسي واهتم بجسمي بعقل ووعي وتعلمت اني ما احتاج أحرم نفسي عشان اوصل للنتيجة اللي ابيها ، بس تذكرو كل شي بالتدريج وبهدوء وبتشوفون نتيجة حلوة وثابتة بإذن الله 💕